Coca-Cola bu zibilə bir izah versin

Dünəndən dəhşət içindəyəm. Coca-Cola şirkəti də buna izah verməlidir. Bizim ölkədə

qanunlar işləmir deyə, hər şeyin zibili çıxıb. Hətta bizə zibil yedirib içirirlər...

Sentyabrın 10-da Rəsulzadə qəsəbəsində Favorit marketdən bəzi şeylər (hazır xəngəl :) ) və 2 l-lik fanta aldıq. Sonra qohumum Yusif əmigilə getdik. Atam bizi orada qoyub getdi və birdən gözüm Fantanın içindəki qara-qura şeylərə rast gəldi. Qarışqamı, ağcaqanadmı, həşəratmı?

İlk olaraq düşündüm ki, oy daa, bəlkə kiçik qardaşım ağzını açıb, nəsə eləyib buna. Birdən baxdım ki, axı fantanın yalnız paketdən yarısı çıxıb və heç onu açan olmayıb.

İndi də onun ağzı açılmayıb...

Həmin bu qara-qura əcaib zibillər ağzı açıq olmayan Fantanın içərisində idi.  

Dəhşət ondadır ki, biz daha çox Coca-Cola içirik və onun qara rəngində bu natəmizliyi görmürük.  Dəhşətə gəldim ki,  indiyədək içmədiyim zibillər qalmayıb....

Mən fotoları da yerləşdirirəm.

Fantanın alınma çeki də durur. Onun ağzı yenə açılmayıb və bütövdür... Hətta onu gizlətmişəm ki, Agent Cody Banks (Destination London) filmindəki kimi, birdən gəlib sübutumu oğurlayarlar 

Anlaya bilmirəm, bu qədər özbaşınalıq olar, hökumət idarələri hər yerdə həyatımızı korlayır, bəs bu boyda tanınmış şirkət  niyə belə edir?

Mən onlardan izahı necə tələb edə bilərəm.

Bəlkə bir neçə nəfər qəzetçi və blogger bu Fantanı şirkətə təqdim eləsin və izah istəsin. Yəqin mən getsəm, əlimdən alıb, bir təpik də  vurub qovarlar məni.

Tərslikdən, dərslər  də başlayır, özümü toparlayıb riyaziyyatdan dünya olimpiadasına qatılmaq istəyirəm. Amma bu şeyləri görəndən sonra, düşünürəm ki, məndən heç nə çıxmaz.. İşim gücüm hər şeyin içində cücü-mücü axtarmaq olacaq...

Bir milyardlıq lövhə

Keçən il məktəbə təzə "ağıllı" lövhələr gətirilmişdi. Məktəbin təmir olunmuş hissəsində bütün otaqlara çatmışdı, bir dənə bizim otaqda yox idi. Bir ədəd az gətirmişdilər...
Lövhələrdən informatika otağında var idi. İlk informatika otağına girişimizdə müəlliməmiz lövhənin qabağına çıxıb, bu lövhələrə əl vurmaq  olmaz! Onlar çox bahalıdırlar, qiymətləri bir milyarddır dedi. Biz özümüzü gülməkdən zorla saxladıq, amma bunu da bilirdik ki, imformatika müəlliməmiz belə səhvlərə normalda yol verməz. Ancaq bir səbəb qalırdı: Direktorumuzun hirsli qışqırıqları))))
Düzdür, məktəbə lövhələrdən gətirdilər, amma dərs ilinin sonuna qədər lövhələrin şunuru belə açılmadı.
Hər dəfə bu hadisə yadıma düşəndə gülürəm...

Az bilinən təbii maddə - Obsidian

Bu gün təbii maddələr haqqında bir az araşdırdım və bu maddələrdən topladığım bilgilərin birini sizlərlə paylaşmaq qərarına gəldim. Araşdırdığım maddənin adı "Obsidian" dır. Obsidian təbii yollarla yaranan bir "şüşə" dir. Hətta obsidiana "vulkan şüşəsi" belə deyirlər. Bu maddə lavanın donması ilə yaranır. Bəzi məlumatlara görə, insanlar qədim zamanlarda ox uclarında istifadə etmişlər. İndiki cərrahi kəsici alətlərin ucları belə obsidiandan düzəldilir. 
Belə bir nəticəyə gəlmək olar ki, obsidian almaz qədər iti olmasada lazımlı bir maddədir.

Yaltaqlıq dərsindən "2" alarsan

Bu gün tort alıb bibimoğlugilə, BDU-nun hüquq fakultəsinə qəbul olduğuna görə onu təbrik etməyə getmişdik. Tortun üstünə "Toğrul BDU" da yazmışdıq. Tortu yedik, çay içdik, danışdıq. Atam belə bir söz də dedi: Bütün dərslərindən 5 al, amma orada yaltaqlıq dərsi olur, o dərsdən kəsil.

Qəhrəman və onun səhvi

Dünən Xəzərin Novxanı hissəsində saat 3-də bir gənc oğlan boğulub. Biz də orada idik. Danışılanlardan bəlli oldu ki, oğlan fədakarlıq, hətta qəhrəmanlıq edib. Deməli, dənizdə skuter deyilən və əyləncə məqsədiylə işlədilən kater kimi qayıqlar var. Hərə öz katerini gətirir və 5-10 manata əyləncə həvəskarlarlına verir, pul qazanır. Təbii ki, bu qanuni deyil. Amma bu ayrı bir söhbətin mövzusudur. 
Skuterə minəndə oğlan qoruyucu jilet geyinib, amma qız yox. Bunlar dənizin dərinliyində olanda isə kater aşıb və oğlanla qız suya düşüblər. Qız boğulmağa başlayıb, oğlan isə öz jiletini qıza verib (!) və qız xilas olub, özü isə batıb. 
Bu, əsl qəhrəmanlıqdır, nadir fədakarlıqlıqdır, bu böyük ürək sahibi  böyük də səhvə yol verib. O, katerə minəndə qıza hökmən jilet  geyindirməli idi və hər ikisi jiletlə suya girməli idi. 
Belə bir sual ortaya çıxa bilər ki, sevimli qız jilet geymək istəməyib, onda skuterin sahibi qızı mindirməməli idi. Bu özbaşınalığın yarartdığı bəladır. O skuterlərin sahibləri hansı qayda ilə xidmət göstərir? Yəqin nızarətçilərə pul verib istədikləri kimi çalışırlar.
Yeri gəlmişkən, bu hadisədən sonra  sahildə bir dənə də skuter  görə bilmədim...Aradan çıxmışdılar! 
Adını bilmədiyimiz qəhrəman isə həm də onların qurbanı idi! 

Azərbaycanda suyun təmizlik səviyyəsi

Baxın görün Azərbaycanda suyun təmizlik səviyyəsi o qədər aşağıdır ki, tısbağanın belə qabığını ərp əhatə edib. 

 Bu arada Bakıİnternet bizə "internet" vermir.

Müdrik dostum

Bu tısbağanın adı Uqveydir (Oogway) . Hərdən onu Tosu deyə də adlandırırıq. Evimizdə xüsusi yeri var, çünki o, müdrikdir. Adını məşhur film "Kung Fu Panda" filmindəki müdrik tısbağadan götürmüşük. 


Bacım hərdən onun önünə güzgü qoyur, fikirləşir ki, tək darıxır. Mən isə bilmirəm o, güzgüyə baxdıqda nə fikirləşir. Bəlkə aynadakı əksini dostu fikirləşir, bəlkə öz əksindən qorxur, bəlkə də, bilir ki, aynadakı özüdür.

Capslərə davam

Bu nəydi :D

İlk caps

Bu da ilk capsim (hərdən maraqlı caps-lar gələcək) :

PlayStation 3 Controllerin PC-də işləməsi

Sizə PS3(PlayStation3) Controllerin(Pult) PC-də necə işlədiyini göstərmək istəyirəm. Sizə PS3 Controller, PS3 Conroller USB və bir program lazımdır. Bu sizin fikirləşdiyiniz kimi sadə deyil, yəni PS3 Controlleri PC-ə qoşsaq işləməz, ona görə də, birazdan verəcəyim təlimatları yerinə yetirmək lazımdır.

1. Controlleri kompyuterə qoşun.






2. Bu linkdən MotionİnJoy adlı proqramı yükləyin: http://adf.ly/bHWo9
 LİNKİ AÇDIQDAN SONRA 5 SANİYƏ GÖZLƏYİN VƏ SAĞ ÜSTDƏKİ SARI YERƏ BASIN!

3. Programı yüklədikdən sonra başladın. Daha sonra üstdəki Driver Manager yazısına basın:

4. Driver Manager-də İnstall All yazısına tıqlayın:









5. Profiles yazısına tıqlayın, indi isə şəkildə göstərilənləri yerinə yetirin:

Hazırdır, istənilən oyuna daxil olun və oynayın.

Arıların riyaziyyatı

İlk öncə sizdən bir sual soruşaraq başlayaq. Siz balpətəyi yaratımında hansı şəkli işlədərdiz? Qərar verdiniz? Siz onu fikrinizdə tutun, bir sual daha. Pətəklərin altıbucaqlı şəklində hörülməsində avantaj varmıdır? Əlbəttə vardır. Bəs niyə? Biraz riyaziyyat işinə girişək. Eyni sahəyə malik olan dairəvi, kvadrat, beşbucaqlı və altıbucaqlı bağlar olduğunu fikirləşək. Bu bağçaların ətrafını məftillə sarısaq hansına daha az məftil işlədərdiniz? Cavab: Ən az məftil dairədə işlədiləcək. İkinci ən az altıbucaqlıda, üçüncü ən az kvadratda, ən çox isə beşbucaqlıda işlədilər. Ortaya belə bir sual çıxır? Məftil ən az dairədə işlənirsə niyə arıların pətəyi altıbucaqlıdır? Əsl iş buradadır: Arılar dairə şəklini seçsəydilər ortada boşluqlar qalardı. Ona görə də daha az mum işlətmək üçün altıbucaqlını seçiblər.












Buradan videonu izləyin:

Sevimli video oyunum

Oyun oynamaq mənim hobbimdir. Buna görədə bunu blogda paylaşmaq qərarına gəldim. Sizləri mənim PlayStation 3 oyunum "BattleField: Hardline" haqqında biz az məlumat vermək istəyirəm.

Oyun keçən il (2014) çıxıb və qrafikləri çox gerçəkçidir. Oyunu onlayn və bölümləri ilə oynamaq olar. Daha çox onlayn oynanan oyunda maşın, helikopter, hətta gəmi belə var. Oyunu sizə tövsiyə edirəm.

Şahbaz əmidən qiymətli hədiyyə

Bu il Fizika-riyaziyyat təmayüllü liseyə imtahan verdim. Qəbul olmağım münasibətilə "Qanun" nəşriyyatının rəhbəri Şahbaz Xuduoğlu əmi mənə Hektor Malonun "Ailəsiz" əsərini hədiyyə yollayıb. Kitab çox maraqlıdır, yarısınacan oxumuşam və sizlərə də tövsiyə edirəm.

Şahbaz əmiyə də buradan təşəkkürlər yollayıram.

Yayda çoxlu boş vaxtım olacaq, bir gün gəlib mətbəədə kitab daşıya bilərəm.

Həcü kolası

Həcü koladı, Həcü pepsidi, Həcü kompotdu, 

Həcü limonaddı, Həcü başqadu.

Asan imtahan suallarıyla Asan Təhsil qururlar

Dünən TQDK 9-cu sinifi bitirənlər üzrə imtahan keçirdi. Biraz suallarla maraqlandım. Sonra isə çox təəccübləndim. Hər kəs deyirdi ki, suallar çox asan idi. Hamı çox sevinirdi. Mənim bacım da imtahan verdiyindən bəzi sualları əldə edə bildim. Dəhşətə gəldim. Yəni 9-cu siniflər 3-cü sinfinmi dərslərini keçir. Mən bu suallardan bəzilərini sizlərlə paylaşmaq istəyirəm: 

1. Bir uşağın 8 manatı var. Uşaq pulunun 50%-i işlətdikdə onun nə qədər pulu qalar?

2. A hərfi haqqında düzgün variantı seçin:

a) İncədir, dodaqlanır, qapalıdır

b) Qalındır, dodaqlanmır, açıqdır

c) Qalındır, dodaqlanmır, qapalıdır

d) İncədir, dodaqlanmır, açıqdır

Artıq suallarla tanış oldunuz və təhsilin Azərbaycanda nə yerdə olduğunu bir daha gördünüz. Heç olmazsa 1-ci sualda 50% yerinə 47,5% və ya 49% faiz qoya bilməzdinizmi? İkinci sualda tamamilə 2-ci və ya 3-cü sinif testidir. 

Yaxşı tutaq ki, bu asan suallarla hamı imtahandan keçdi, hamı sevindi, güldü. Axı bəs sonra nə edəcəksiniz, özünüzlə bu imtahandan keçdiyinizə görə öyünüb, başqa imtahanlardan isə keçməyəndə oturub ağlayacaqsınızmı? TQDK bununla bizə nə demək istəyir? Belə çıxır ki, fikirləşirlər hamı imtahandan keçəcək. Deməli, TQDK hamıya "yaxşı" təhsil vermişdir.

Bir gün gözləyin

İşim çoxdur. Blogun tikintisi gedir. Penoplast üzlük çəkib, görüşünüzə gələcəm...